Բարի գալուստ Տաթեւ գիտակրթական համալիրի «Ուսումնական գրականության զարգացման» ամբիոնի պաշտոնական կայք:

Ամբիոնի հիմնադրման նախանշված նպատակն  էր Հայաստանում ուսումնական գրականության որակի բարձրացումը: 2010 թվականի մարտի 3-ին մեկնարկեց ամբիոնի առաջին խոշոր ծրագիրը՝ «Դասագրքերին ներկայացվող հոգեբանական եւ մանկավարժական պահանջները» խորագրով գիտաժողովը, որի հիմնական խնդիրն ուսումնական գրականությանը ներկայացվող հոգեբանամանկավարժական պահանջների եւ չափանիշների համակարգի մշակումն է: Գիտաժողովի աշխատանքները, որոնց սպասարկմանն է ծառայում նաեւ այս կայքը, կլինեն շարունակական. մշտապես գործում է համացանցային քննարկումը, գրքերի օնլայն գնահատման հնարավորությունը, պարբերաբար կազմակերպվում են կլոր սեղաններ եւ սեմինարներ: Կայքում կա նաեւ գիտական հոդվածների եւ այլ աշխատությունների բաժին, որտեղ կարելի է տեղադրել ինչպես նախկինում հրապարակված, այնպես էլ անտիպ ցանկացած աշխատանք, որն ըստ էության կբավարարի կայքի նվազագույն պահանջները: Գիտաժողովի ե՛ւ համացանցային, ե՛ւ դասական եղանակով իրականացվող քննարկումներին, կլոր սեղաններին եւ այլ միջոցառումներին մասնակցության համար վճարում կամ որեւէ այլ սահմանափակումներ նախատեսված չեն:

Հուսով ենք, որ թե՛ գիտաժողովի գործունեության ժամանակաշրջանում, թե՛ հետագայում այս կայքը կլինի մանկավարժ եւ հոգեբան մասնագետերի, կրթության բարեփոխման գործում շահագրգիռ անձանց եւ կազմակերպությունների արդյունավետ փոխգործակցության հուսալի միջոց:

Հարգանքներով՝

Տաթեւ գիտակրթական համալիրի գլխավոր տնօրեն

Սոկրատ Մկրտչյան

Մեր հասցեն.

Երեւան, Կոմիտասի 49/2

Հեռ. 23 25 28